Gikondena sa August Twenty One Movement o (ATOM) ang pamahayag ni Pangulong Ferdinand Marcos Jr. nga dili “ill-gotten” o nakawat nga bahandi ang pipila ka kabtangan sa ilang pamilya.
Matud sa ATOM, “fake news” ang maong pamahayag ug gipahinumdoman ang publiko sa mga desisyon sa korte nga may kalabotan sa kabtangan sa pamilya Marcos, lakip ang kaso ni kanhi First Lady Imelda Marcos.
Samtang, gipatin-aw ni Marcos nga nakadaog ang ilang pamilya sa pipila ka civil cases tungod kay napamatud-an sa korte nga dili ill-gotten ang mga kabtangan nga gikuwestiyon.
Giingon usab sa Pangulo nga mas giprayoridad niya ang iyang katungdanan isip Presidente kaysa sa pagdumala sa mga kabtangan sa ilang pamilya, ug ang mga wala pa mabayrang estate tax gipasalig na niya sa iyang mga abogado.