Target sa Department of Social Welfare and Development o DSWD nga mahatagan og tabang pinansyal ang 7.5 milyon ka panimalay sa tibuok nasud pinaagi sa UPLIFT program.
Matud ni Roshiel M. Galia, Regional Information Officer Ssa Department of Social Welfare and Development, Region-X, Gibahin sa tulo ka grupo ang maong alang sa mga posibleng benepisyaryo sa programa.
Para sa unang grupo, lakip sa mga benepisyaryo sa Pantawid Pamilyang Pilipino Program o 4Ps nga makadawat og P2,000 nga usa ka higayon nga ayuda.
Samtang, ang ikaduhang grupo naglangkob sa mga pobre ug near-poor households nga dili benepisyaryo sa 4Ps.
Ang ikatulong grupo mao ang mga low-income earners nga kwalipikado sa tabang pinaagi sa Social Security System o SSS.
Gipasabot sa DSWD nga ang pag-ila sa mga benepisyaryo gibase sa Community-Based Monitoring System o CBMS. Ang datos niini gikan sa house-to-house data gathering nga gipahigayon sa Philippine Statistics Authority o PSA.