Iran, nagtanyag og $30,000 nga ganti sa makakuha o makapatay og US soldier

Nagtanyag ang Iran og $30,000 nga ganti sa bisan kinsang makadakop o makapatay og usa ka sundalong Amerikano.

Matud ni Iranian Army Chief Amir Hatami, gilusad ang maong programa human makadawat og daghang hangyo gikan sa mga Iranian nga gustong moapil niini.

Mas doble matud pa ang ganti alang sa mga babaye nga makahimo sa maong aksyon, sumala kang Hatami. Hinuon wala kini maghatag og detalye kung asa o kanus-a mahimong ipatuman ang maong lakang.

Wala usab kumpirmadong pagpadala og mga sundalong Amerikano sa teritoryo sa Iran sa kasamtangang gubat.

Gipangayo usab ni Hatami sa Estados Unidos nga mobiya sa Middle East ug giingon nga wala na kiniy pagtugot sa pagsulod sa Persian Gulf, Gulf of Oman og Strait of Hormuz.