MANILA — Gitudlo sa House prosecution panel ang usa ka giingong pattern o nasubli-subli nga pamaagi sa paggamit ni Vice President Sara Duterte sa confidential funds, gikan sa iyang panahon isip mayor sa Davao City hangtod sa iyang pagdumala sa Office of the Vice President (OVP) ug Department of Education (DepEd).
Sumala sa House prosecutor ug Manila Rep. Joel Chua, mamatikdan ang kalit nga pagtaas sa confidential funds sa Davao City nga miabot sa kapin ₱2.6 bilyon gikan sa tuig 2016 hangtod 2022 atol sa pagka-alkalde ni Duterte. Gipahayag usab sa House trial spokesperson nga si Lanao del Sur Rep. Zia Alonto Adiong nga usa ka importanteng pangutana kon ngano nga daw adunay dakong pagtagad ang Bise Presidente sa maong pondo, diin nakadawat ang OVP og ₱500 milyon samtang ₱112.5 milyon naman ang gigahin sa DepEd.
Gipunting usab sa prosekusyon ang kalambigitan sa pipila ka opisyal ug kawani nga kaniadto nagdumala sa confidential funds sa Davao City nga nalambigit usab sa OVP, lakip na si kanhi special disbursing officer Gina Acosta. Tungod niini, giusisa karon kon adunay mga pamaagi sa pagdumala ug pag-liquidate sa pondo gikan sa Davao City nga gipadayon sa pambansang panggamhanan, nga karon kabahin sa mga batakang ebidensya sa gipahigayon nga