Gisugdan na sa mga pundok sa oposisyon ang pagpalig-on sa ilang panaghiusa isip pagpangandam sa umaabot nga 2028 presidential elections.
Sa usa ka panagtigum nga ipangunahan ni Senator Risa Hontiveros, nagtapok ang mga representante gikan sa nagkadaiyang partido sama sa Liberal Party, Akbayan ug Magdalo. Mitambong usab sa maong panagtagbo sila si kanhi Senator Antonio Trillanes IV ug Representative Chel Diokno.
Matud ni Mamamayang Liberal Partylist Representative Leila de Lima, sentro sa ilang panaghisgut ang mga kasamtangang isyu sa politika sa nasud ug ang posibleng epekto niini sa umaabot nga piniliay.
Bisan og wala pay pinal nga plano, gisugdan na ang paghisgot sa mga preparasyon.
Tumong sa maong grupo nga makamugna og usa ka halapad nga Coalisyon sa oposisyon sa dili pa ang 2028.
Kasamtangan, wala pay gibutyag kon unsa pa nga mga partido ang mamahimong kabahin o imbitahon sa maong alyansa.