Usa ka US destroyer ang malampusong nakapugong sa duha ka oil tanker nga misulay sa paggawas gikan sa nasod sa Iran. Kini nahitabo usa ka adlaw human hingpit nga gipatuman ang blockade o pagbabag sa militar sa Amerika sa mga pantalan sa maong nasod.
Base sa mga report, ang maong mga tanker gimandoan sa pagbalik sa Iran human sila ma-intercept sa tunga sa dagat. Kini nga lakang kabahin sa mas hugot nga seguridad nga gipatuman sa Amerika sa Strait of Hormuz aron kontrolahon ang paggawas sa lana gikan sa Iran taliwala sa nagpadayong tensyon.
Bisan pa man sa maong blockade ug sa nahitabong tensyon sa dagat, gitaho nga magpadayon gihapon ang negosasyon tali sa Amerika ug Iran. Gitinguha sa duha ka bahin nga makakita og solusyon sa krisis sa dili pa mapupos ang gitagal nga ceasefire karong Abril 21.