Nanawagan karon ang mga pamilya ug kabanay sa namatay nga biktima sa ngilngig nga disgrasya niadtong Abril 19, 2026 nga i-delete ang mga video nga gipang-post sa social media, ilabi na kadtong nagpakita sa makalolo-oy nga kahimtang sa biktima.
Ang biktima nailhan nga si Jose G. Nacua, 70 anyos, minyo ug residente sa maong lungsod.
Sumala sa anak niini, bag-o pa misimba ang iyang amahan sa maong adlaw ug nakapalit pa og banana cue alang sa iyang inahan, samtang wala damha nga maoy iyang katapusan nga mga buhat sa wala pa mahitabo ang aksidente.
Dugang pa, giplano matud pa sa pamilya ang usa ka panagtapok aron sa pagsaulog sa ika-70 nga adlawng natawhan sa biktima karong Abril 30, 2026, apan dili na kini matuman tungod sa maong trahedya.
Samtang sa laing bahin, sa pagkakaron wala pa mahibaloi ang kahimtang sa sakay sa lain pang motorsiklo nga nalambigit sa disgrasya, nga sumala sa inisyal nga impormasyon usa ka residente .
Nagpadayon pa ang imbestigasyon sa mga otoridad aron matino ang tanang detalye sa hitabo.