Gikuwestiyon sa pipila ka senador ang pagpasalida sa video sa mitaliwan nang kanhi Senator Miriam Defensor Santiago atol sa impeachment trial ni Vice President Sara Duterte, tungod sa giingong kakulang sa kalambigitan niini sa kasamtangang husay.
Gipasalida sa defense team ni Duterte ang footage gikan sa 2011 hangtod 2012 impeachment trial ni kanhi Chief Justice Renato Corona, diin gibadlong ni Santiago ang prosecution panel tungod sa ilang pag-angkon nga nag-una o nakadaog na sila bisan wala pa mahuman ang paghusay.
Gipangutana ni Senator Erwin Tulfo ang kalambigitan sa maong video ug mihangyo nga tahoron na lamang ang mitaliwan nga senadora, diin misugot si Senate President ug presiding officer Chiz Escudero nga ihunong ang pagpasalida samtang gisuportahan usab kini ni Senator Ping Lacson.
Sa laing bahin, gibarugan ni Senator Risa Hontiveros nga dili makiangayon ang paggamit sa mga video nilang Santiago, Corona, ug kanhi Presidente Rodrigo Duterte tungod kay dili na makahatag og katin-awan o makatubag sa mga pangutana sa impeachment court ang mga gipakita.

