Pagbaligya og armas sa US sa Taiwan, gipostpone – US Navy official

Gikumpirma sa acting US Navy Secretary ang temporaryon gipahunong sa Estados Unidos ang plano sa pagbaligya og mga armas ngadto sa Taiwan.

Sumala kang Hung Cao, una nilang ipaundang ang paghatag sa kapin $14 bilyon nga kantidad sa mga armas nga napalit sa Taiwan aron masiguro nga igo ang supply sa munitions sa militar sa US alang sa “Epic Fury” operation sa Iran.

Gipasabot usab sa opisyal nga magpadayon gihapon ang pagbaligya og military equipment ngadto sa Taiwan kon tan-awon kini nga kinahanglanon sa administrasyon ni U.S. Pres. Donald Trump.

Sa pagkakaron, wala pa magpagawas og opisyal nga pamahayag ang United States Department of State ug Pentagon kalabot sa maong komento sa acting secretary.