Mikabat sa P24 milyon ang kinatibuk-ang natipigan o na-saved sa lokal nga panggamhanan sa Malaybalay matag hektarya pinaagi sa negosasyon sa presyo sa yuta alang sa mga proyekto sa siyudad.
Gisaysay ni Malaybalay City Mayor Jay Warren Pabillaran nga napakunhod ngadto sa P6,000 matag metro kwadrado ang presyo sa yuta, gikan sa orihinal nga assessed value nga P3,000 hangtod P5,000 matag metro kwadrado
Gibutyag usab sa mayor nga pabor siya sa long-term development plan sa siyudad nga nagtutok sa pagpangandam alang sa sunod nga henerasyon. Matud niini, gikinahanglan ang husto nga preparasyon ug igo nga budget tungod sa kadak-on sa mga programa nga ipatuman sa siyudad.
Gidugang pa ni Pabillaran nga ang maong mga programa gitumong dili lamang alang sa kasamtangang administrasyon, kondili alang usab sa padayong kalamboan sa Malaybalay ug kaayohan sa umaabot nga henerasyon.