Malampusong nakabalik sa ilang komunidad ang tulo ka kanhi myembro sa Communist Terrorist Group sa Bukidnon human sila boluntaryong mitugyan sa ilang kaugalingon ug nakakompleto sa deradicalization program sa kagamhanan.
Sumala sa 88th Infantry Battalion, ang tulo ka kanhi myembro sa CTG nakabalik sa ilang mga lokalidad pinaagi sa tabang sa 88th Infantry “Maringal” Battalion ug nagkadaiyang ahensya sa gobyerno.
Niadtong Hulyo 27, gipanguluhan sa 88IB ang reintegration ni Dionito Galacio nga nailhan usab nga “Ming”, pinaagi sa pakigtuyon sa Balay Kaleraw ug LGU sa Quezon, Bukidnon.
Niadtong milabay’ng adlaw, malampuson usab nga gipabalik sa katilingban sila si Lito Ditamunday alias “Babi” ug Melanie Baguio alias “Mitch” pinaagi sa kooperasyon sa LGU sa Valencia City.
Sa pikas bahin, human sa 14 ka tuig nga pagtago, nakahukom ang usa ka kanhi myembro sa communist terrorist group gikan sa Barangay Anomar, Surigao City nga mobiya na sa armadong pakigbisog ug mobalik sa kapinawan.
Gitugyan sa maong kanhi rebelde ang usa ka modified carbine caliber .30, duha ka magazine, ug apat ka bala ngadto sa Charlie Company sa 30IB nga ubos sa operational control sa 401st Infantry Brigade.Â