Nagpaandam ang World Health Organization (WHO) nga nagkagrabe ug paspas nga nagasaka ang mga kaso sa Bundibugyo virus disease (usa ka matang sa Ebola) didto sa Democratic Republic of the Congo (DRC) ug Uganda.
Tungod sa kakuyaw niini, gideklara na sa WHO ang sitwasyon isip usa ka Public Health Emergency of International Concern. Sa kasamtangan, nitala na og kapin sa 900 ka suspetsadong kaso ug kapin sa 200 ka mga namatay didto sa Congo, samtang nakasulod na sad ang maong virus sa kaulohan sa Uganda pinaagi sa mga biyahedor.
Nabalaka og maayo ang mga eksperto tungod kay kining matanga sa virus wala pa’y aprubado nga opisyal nga bakuna o tambal. Dugang hagit usab sa mga health worker ang nagpadayong kagubot ug armadong panagbangi sa maong mga dapit, hinungdan nga nalisdan sila sa pag-atiman ug pag-trace sa mga natakdan.