Nanawagan ang National Grid Corporation of the Philippines kon NGCP sa mga ginikanan ug lokal nga kagamhanan kalabot sa gipakusog nga pagpatuman sa anti-kite flying campaign sa mga kabatan-onan karong panahon sa ting-init.
Matod sa NGCP, nagkadaghan ang insidente sa pagpalupad sa tabanog diin kini dili lamang masangit sa mga transmission lines, kundili mosulod usab sa mga substation ug uban pang kritikal nga pasilidad nga pwede mahimong hinungdan sa tripping o pagkawala sa suplay sa kuryente.
Panawagan sa NGCP ngadto sa mga ginikanan ug pamunoan sa mga lokal nga kagamhanan, dasiga ang mga kabatan-onan sa pagpalupad og mga tabanog palayo sa pasilidad sa NGCP.
Pahinumdom sa NGCP, ang estriktong pagpatuman sa anti-kite flying campaign duol sa transmission lines ug mga pasilidad anaa nasubay usab sa Republic Act 11361 o ang Anti-Obstruction of Power Lines Act.