INTERNATIONAL — Nagpahigayon og national day of mourning ug candlelight vigils ang nasod sa Nepal isip paghandom sa mga biktima sa nakakalas nga pagbaha ug pagkahugno sa glacier.
Gipahigayon ang pormal nga pagsubo sa ika-13 nga adlaw sukad nahitabo ang trahedya, subay sa tradisyonal nga panahon sa paghandom sa relihiyong Hindu. Sa kasamtangang talaan, miabot na sa 1,384 ka tawo ang kumpirmadong nakabsan sa kinabuhi diha sa Nepal ug rehiyon sa Tibet sa China, samtang kapin 5,500 ka tawo pa ang nagpabilin nga nawala—lakip na ang dul-an 800 ka mga langyaw nga turista.
Tungod sa pagkapuno sa mga morgue, gipadayon sa mga awtoridad ang mass burial alang sa mga nakuhang bangkay human sila kuhaan og DNA samples alang sa pormal nga pag-ila sa umaabot, samtang padayon gihapon ang operasyon sa mga rescuer taliwala sa hagit sa bati nga panahon.