Girekomenda ni kanhi Senador Antonio Trillanes IV nga ang National Bureau of Investigation ug ang Philippine National Police Criminal Investigation and Detection Group maoy manguna sa imbestigasyon sa giingong pinusilay sa Senado niadtong Miyerkules gabii, Mayo 13.
Matud ni Trillanes, mas angay nga ang NBI ug CIDG ang mohandle sa imbestigasyon gumikan nga sila adunay kapasidad ug mga gamit aron sa komprehensibong pagsusi sa nahitabo, lakip na ang forensic examination ug pag-ila sa mga panghitabo sa wala pa, sa pagsugod, ug human sa insidente.
Gipasiugda usab niini nga bisan pa ug giingong apil ang pipila ka NBI agents sa insidente, mahimo gihapon silang magsiguro og imparcial nga imbestigasyon uban sa CIDG.
Gidugang pa ni Trillanes nga dili ang Office of the Sergeant-at-Arms ang angay modala sa imbestigasyon kung kini ang ipasalig sa Senado.
Sumala ni Trillanes nga kinahanglan adunay manubag sa pagpagawas ni Senador Ronald Dela Rosa gikan sa Senate premises bisan pa og gi-under custody kini, ug posibleng apil niini ang mga opisyal sama sa Senate President Alan Peter Cayetano ug ang OSAA.