Andam magpabilin sa Pilipinas si National Bureau of Investigation (NBI) Director Melvin Matibag kon dili mahuman sulod sa usa ka adlaw ang iyang pagtestigo sa Senate Impeachment Court karong Lunes, Hulyo 20.
Sa eksklusibong pakighinabi sa Bombo Radyo kang House Prosecutor ug Iloilo Representative Lorenz Defensor, gipahayag niini nga una nang mihangyo si Matibag nga mapaaga ang iyang pag-atubang sa korte tungod sa iyang pagtambong sa usa ka international conference sa Thailand. Apan, gihisgutan ni Defensor nga usa ka constitutional duty ang pagtestigo sa impeachment court ug andam ang NBI chief nga isakripisyo ang iyang biyahe kon gikinahanglan.
Nanawagan usab si Defensor sa defense panel nga dili na kaayo patas-an ang cross-examination aron mapadali ang dagan sa paglitis nga dili masasakripisyo ang mga ebidensya. Samtang, nanghinaot ang mambabatas nga magpabiling patas ug walay gidapigan ang mga Senator Judges, partikular na sila si Senator Pia ug Alan Peter Cayetano kinsa una nang nikuwestiyon sa NBI labot sa imbestigasyon sa 2019 SEA Games hosting sa nasod.