Lauman nga magpakita og nagkalain-laing lihok ang presyo sa lana sunod semana, diin kapin duha ka bulan human sa tensiyon tali sa Estados Unidos-Israel ug Iran nga nakasamok sa kalibutang merkado sa lana.
Ang diesel gilauman nga mosaka og P1 hangtod P2 matag litro, ang gasolina motaas og P3 hangtod P4, samtang ang kerosene moubos og P2.50 hangtod P3.50.
Kini tungod sa State of National Energy Emergency nga nagtugot sa gobyerno sa pagtino sa presyo base sa kaugalingong kalkulasyon, samtang ang Means of Platts Singapore nakarekord og mas taas nga pagsaka sa diesel og P4.60 matag litro ug gasolina og P4, samtang ang kerosene misaka og P0.50.
Sa pikas bahin, ang global nga presyo sa lana miabot sa labing taas nga lebel sulod sa upat ka tuig niadtong Huwebes tungod sa kabalaka sa panagbangi sa Middle East, human sa pahimangno ni U.S. Presidente Donald Trump nga ang blockade sa US batok sa mga pantalan sa Iran mahimong molungtad og pila ka bulan ug sa report nga siya pagabriefan sa posibleng bag-ong military strikes.