Subling nakabuak og usa ka talagsaong Guinness World Record ang Amerikano nga si David Rush human niini mabalhin gamit lamang ang iyang baba ang ice cubes nga mokabat og 1.661 ka kilo sulod sa usa ka minuto.
Sumala sa Guinness World Records, katugbang kini sa 58.59 ounce nga gibug-aton sa mga ice cubes nga iyang napabalhin sa maong hagit.
Nahimo ni Rush ang rekord niadtong Hunyo 12, 2026 sa Boise, Idaho, Estados Unidos, diin gikinahanglan ang tukmang timing, kusog ug paglahutay aron mapadayon ang hagit hangtod matapos ang usa ka minuto.
Pinaagi lamang sa iyang baba, walay laing gigamit kini sa pagbalhin sa mga ice cubes ngadto sa gitudlong lugar.
Dili usab kini ang unang higayon nga nakasulod si Rush sa Guinness World Records, tungod kay usa na siya ka multiple title holder nga nakatigom og nagkalain-laing talagsaong rekord.