Gikumpirma sa US Central Command (Centcom) nga nakumpleto na sa militar sa Estados Unidos ang ilang labing bag-ong yugto sa mga pag-atake batok sa nasod sa Iran, diin gibana-banang moabot sa 90 ka mga target sa militar ang malampusong naigo.
Sa usa ka opisyal nga pamahayag, gipahayag sa Centcom nga napurhan sa pwersa sa Amerika ang mga air defense system, mga kahimanan sa pag-bantay sa baybayon (coastal surveillance assets), tipiganan sa mga missile ug drone, ingon man ang naval capabilities ug mga imprastraktura sa military logistics ubay sa baybayon sa Iran.
Gipatin-aw sa militar sa US nga ang nag-unang tumong sa maong operasyon mao ang pagpaluya sa katakus sa maong nasod sa pag-atake sa mga komersyal nga barko ug sa mga inosenteng sibilyan nga tripulante nga nagaagi sa Strait of Hormuz. Kahinumdoman nga una nang gipahibalo ni US President Donald Trump nga natapos na ang ceasefire tali sa Amerika ug Iran human sa sunod-sunod nga pagpamaril sa Iran sa mga barko sa maong dapit.