Milagrosong “holy water” sa India nadiskubreng gikan sa air conditioner

Gidagsa sa daghang tawo ang elephant sculpture sulod sa usa ka templo sa India ug gituohan kini nga milagrosong “holy water.”

Ginapahid pa sa lawas sa mga deboto ang maong tubig, samtang ang uban misulay pa og inom tungod sa ilang pagtuo nga makahatag kini og himala ug kaayohan.

Apan sa mas hugot nga pagsusi, nasuta nga ang tubig nga nagtulo gikan ra diay sa usa ka air conditioner nga duol sa estatuwa ug dili gikan sa milagrosong tuburan.

Gipahimangnoan sa mga awtoridad ang publiko nga magmatngon ug dili dayon motoo sa mga panghitabo nga walay klarong basehan, kay ang gituohang limpyo ug balaan nga tubig mahimong hugaw ug delikadong imnon.