Nakasinati og tension ang buhatan sa PrimeWater dinhi sa Malaybalay City kagahapong adlawa human sa gilusad sa mga residente sa Greenfield Subdivision ang protesta tungod sa nagpadayon nga krisis sa panubig denhi sa syudad.
Matud sa usa sa mga residente nga si Alyas “Pretty,” dul’ an usa ka bulan nga walay klarong agas sa tubig sa ilang dapit, nga nagpugos pagna lamang kini sa pagpangayo og tubig sa ilang mga silingan o sa pagpalit sa mga kasikbit nga lugar.
Gipadayag usab sa mga nagprotesta ang ilang kasuko sa giingong dili patas nga singil diin molapas matud pa sa minumum bisag walay agas.
Dugtong niini giklro pag usab sa buhatan sa Malaybalay Water District nga wala hingpit na-terminate ang joint venture agreement tali sa PrimeWater tungod sa mga legal nga proseso.
Sa pakighinabi sa Bombo Radyo Malaybalay, miingon si Engr. Nolito S. Binahon, ang general manager sa Malaybalay City Water District, nga bisan pa og daghang mga lumulupyo ang nagtinguha nga mawala na ang PrimeWater, apan adunay mga legal nga venues nga kinahanglang maresolba aron hingpit nga ma terminate ang kontrata.