Nagplano ang National Food Authority (NFA) nga isubasta o i-auction ang kapin sa usa ka milyon ka sako sa nagka-daan nga stock sa bugas karong umaabot nga bulan sa Hunyo.
Matud ni NFA Administrator Larry Lacson, ang maong lakang nagtumong nga makakolekta og dugang pondo ang ahensya ug aron usab aduna pa’y mabakanteng bodega alang sa umaabot nga ting-ani.
Kini na ang ika-upat nga higayon nga mopahigayon og pagsubasta ang NFA sa mga 50-kilo nga sako sa bugas, o katugbang sa dul-an 50,000 metric tons (MT). Ang halin niini gamiton matud pa sa pagpalit og dugang human gikan sa mga lokal nga mag-uuma.
Sa kasamtagan, gi-pinalisa na sa NFA ang floor price o ang pinaka-ubos nga presyo ug ang mga giya alang sa maong subasta.
Gidugang ni Lacson nga posibleng mosaka og gamay ang floor price sa maong mga bugas base sa kasamtangang datos sa presyo sa lokal ug imported nga bugas sa kamerkaduhan.