Ubay ubay nga mga kalihukan ang gihan-ay sa Department of Labor and Employment kon DOLE Bukidnon Provincial Field Office alang sa pagsaulog sa ika 123 nga Labor Day ning adlawa Mayo 1.
Sumala ni DOLE Provincial Director Raul Valmores, ang team ning adlaw sa pamuo mao ang “Mangagawang Pilipino: kaagapay sa pag-unlad, sandigan ng matatag na bagong pilipinas.”.Diri sa Bukidnon ang Labor Day sugdan sa usa ka misa sa San Agustin Church, sundan sa job fair nga ipahigayon sa Robinson Valencia City.
Daghan nga mga kompanya ug ahensya ang ilang nakoordinar aron magtanyag ug trabaho lokal man ug gawas sa nasod.Lauman usab ang paghatud ug serbisyo sa nagkadaiyang ahensya sa gobyerno sama sa Philippine Statistics Authority, National Bureau of Investigation, Social Security System, ug Pag-IBIG.
Gawas pa sa pay-out nga nagkantidad ug P2.8 milyones alang sa TUPAD nga dunay 200 ka benepisyaryo.Livelihood assistance balor P3.9 milyones alang sa 787 ka mga benepisyaryo . Laing 140 ka ginikanan sa child laborers makadawat sa livelihood assistant nga mukabat sa P2.2 milyones, samtang 653 ka benepisyaryo lakip ang PWDs, senior citizens, IPs, ug farmers, makadawat ug ayuda nga mubalor sa katibuk-ang P10.9 milyones.