Gibutyag ni San Juan Rep. Ysabel Maria Zamora nga mas daghan na ang ebidensya nga nalakip sa impeachment complaint batok kang Bise Presidente Sara Duterte karon itandi sa miaging tuig, samtang gisusi kini sa House Committee on Justice aron matino kung adunay probable cause.
Sumala ni Zamora, nadungagan ang mga dokumento ug attachments sa reklamo, bisan pa halos pareho ang mga akusasyon nga impeachable offenses.
Gidugang usab niini nga aduna’y igong basihan ang kaso ug dili lang kini hungihong lamang.
Giangkon usab ni Zamora, nga adunay sagol nga pulitika ang proseso, labi na nga hapit na ang eleksyon, apan nakita sa mga mambabalaod nga adunay tinuod nga rason ang reklamo.
Dugang pa, nga posibleng sakop sa impeachment proceedings ang exemption sa bank secrecy law, bisan pa dili kini hingpit nga klaro sa balaod.
Sa depensa ni Zamora, ang mga reklamo miagi sa hingpit nga pagsususi ug napamatud-an nga “sufficient in form and substance,” gumikan naka-specify ang mga kinahanglanon nga detalye ug ang giingong buhat sa respondent.
Sumala ni Zamora, ang mga pagdungog sa Kamarabaha gihimo aron matino kung adunay probable cause sa pag-file og articles of impeachment.
Kung mapamatud-an nga aduna, ang reklamo ipadala gikan sa plenaryo sa Kamara ngadto sa Senado para sa trial.
Gipatin-aw usab niini nga sa maong yugto, dili pa kinahanglan ang mismong ebidensya, kundili ang klaro nga paglaraw o pagpadayag sa mga akusasyon.
Mahimo pa usab nga motambong si Duterte sa mga sunod nga pagdungog pinaagi sa iyang abogado, subay sa prinsipyo sa due process.