Mga cardinals, mibisita sa lubnganan sa Santo Papa

Gibisita sa miyembro sa mga Cardinals ang lubnganan sa Santo Papa diin nahimutang  sa St. Mary Major Basilica.

Gipadayag nga giabrehan na usab kini alang publiko sugod sa buntag sa Domingo, Abril 27, alang sa buot mubisita niini, human naghalad ang mga Cardinal ug panalangin sa lubnganan ni Pope Francis.

Pagkahuman niini, nagtapok ang mga Cardinal sa basilica alang sa evening prayer o Second Vespers nga gipangulohan ni Coadjutor Archpriest sa Basilica, ug Lithuanian Cardinal Rolanda Makrickas.

Nakighiusa usab ang mga grupo sa mga magtutuo sa evening prayer samtang ang uban naghatag og respeto sa namatay nga Santo Papa.

Natala nga dunay kapin 20,000 ka tawo ang mibisita sa lubnganan sa Santo Papa sukad gahapon.