Gibana-banaang 100 ka mga demonstrador ang gidakop sa kapolisan sa New York City kagahapong adlawa, Lunes, Abril 13, human sa sit-in nga gihimo sa gawas sa mga opisina sa Manhattan ni U.S. Senators Chuck Schumer ug Kirsten Gillibrand.
Ang maong protesta nagtumong sa pagpanawagan ngadto sa mga senador sa pagsuporta sa gipaabot nga botasyon sa Senado nga nagbabag sa dugang nga pagbaligya sa armas sa U.S. ngadto sa Israel.
Ang mga nagprotesta, nga nagsul-ob og mga t-shirt nga may nakasulat nga “Fund People, Not Bombs” ug nagkupot og mga banner nga “Fund Healthcare Not Warfare” ug “Stop Arming Israel,” una nang nanglingkod sa gawas sa mga opisina sa wala pa mibalhin sa Third Avenue.
Ang kapolisan balik-balik nga nagpasidaan kanila sa pagbiya sa dalan sa wala pa ang mga pag-aresto sa mga kaso nga disorderly conduct nagdumili ang grupo nga mupahawa sa maong dapit busa giposasan kini kini ug gidala sa detention facility.