Doblehon matud pa ni Malaybalay City Mayor Warren Pabillaran ang iyang trabaho kini human subling nahatagan og higayon nga makaserbisyo sa dakbayan human sa nahimong resulta sa eleksiyon.
Human sa nahimo niining dakong kadaugan batok sa iyang kaatbang nga si Toto Anora kansa igo lamang nakakuha og 2,238 ka mga boto, tandi kang Pabillaran nga mukabat na og halos 100,000, paningkamutan niini nga mahatagan og tagad ang mga problema sa dakbayan ilabi na sa suplay sa tubig ning siyudad.
Nahisgutan ni Pabillaran ang Prime Water atol sa pakighinabi niini sa Bombo Radyo Malaybalay nga maoy water service provider ning siyudad. Nasayran sa rebelasyon ni Pabillaran nga dugay ng plano sa Prime Water nga makasuplay og tubig sa mga konsumante, apan gibulgar niini nga tubo pa lamang nag natukod ug wala pay tubig nga miagas ilabi na sa Barangay Patpat ning siyudad.
Gani, laraw niining makighinabi sa board members sa sunod nga bulan aron masayran ang plano sa Prime Water.
Gani, gipasigarbo sab matud pa sa Prime Water nga mukabat sa P200-M ang gitagana alang sa paghatag og bastanteng suplay sa tubig ngadto sa mga konsumante.
a pikas bahin, paningkamutan matud pa ni Pabillaran nga mas mudaghan pa ang ihap sa mga turistang manulod sa siyudad pinaagi sa pagpatukod og mga hotels, apan usa matud pa sa mga babag sa pag-estabilisar og negosyo ang pipila ka mga ahensiya sa lungsod nga mahatagan og permit nga way dag hang proseso sama sa Office of the Building Official.
Hinoon,sa pikas bahin, walay bisan unsang election-related incident ang natala sa kapulisan.