Gipasundayag sa usa ka 40-anyos nga Marvel fan gikan sa Britain nga si Tom Radford ang iyang dakong gugma sa mga paboritong bayani ug kontrabida pinaagi sa pagpatattoo og 63 ka karakter sa iyang lawas.
Tungod niini, opisyal niini nga nakuha ang Guinness World Records alang sa pinakadaghan nga Marvel Comics characters nga gipatattoo sa lawas, diin nalabwan niini ang kanhi rekord nila Ryan Logsdon ug Rick Scolamiero nga adunay 34 ka tattoo matag usa.
Nagsugod ang iyang hilig niadtong 2016 pinaagi sa tattoo sa kontrabida nga si Thanos sa iyang tiil, ug gikan niadto, nagpadayon na ang iyang tinguha nga pun-on ang iyang lawas og mga karakter.
Bisan kon ang orihinal nga plano ni Radford mao lamang ang pagbahin sa mga bayani ug kontrabida sa iyang duha ka tiil, dali siyang nahutdan og espasyo hinungdan nga mikatap na kini sa iyang likod ug uban pang bahin sa lawas.
Sumala ni Tom, gituyo niini nga bungkagon ang maong rekord sa wala pa siya moabot sa edad nga 40 aron markahan ang iyang dedikasyon sa Marvel Universe.