Posibleng magpabilin una sulod sa usa hangtod duha ka adlaw si Senador Rodante Marcoleta sa Philippine National Police General Hospital alang sa medical examination.
Una pa niini, gibutyag ni PNP-CIDG Director Major General Robert Alexander Morico II nga gidala sa PNP General Hospital si Senador Rodante Marcoleta human kini mireklamo og sakit sa dughan ug namatikdan nga taas ang iyang blood pressure.
Nahitabo kini sa adlaw usab nga pormal siyang naaresto ug misurender may kalabotan sa kasong plunder nga iyang giatubang sa Sandiganbayan.
Sumala usab ni DILG Secretary Jonvic Remulla, kabahin maong eksaminasyoni sa standard nga proseso human sa boluntaryong pagsurender ug pagdakop sa senador.
Sanglit nga mahuman ang tanang medical examinations, ibalhin dayon si Marcoleta sa Quezon City Jail sa Payatas.
Kahinumdoman nga karong Lunes, gi-isyuhan si Marcoleta ug tulo pa ka uban og warrant of arrest human isalikway sa Sandiganbayan ang ilang motion to quash sa kasong plunder nga may kalabotan sa giingong wala niya ideklara ang kapin ₱75 milyon nga campaign donations sa iyang SALN ug Statement of Contributions and Expenditures (SOCE).