Hiniusang mipadangat sa ilang mulo ug mabaid nga panawagan ang mga mag-uuma sa probinsya sa Bukidnon ngadto sa kagamhanan gumikan sa nagpatong-patong nga problema sa peste, kakuwang sa kapital, ug ang isyu sa suplay sa irigasyon taliwala sa nasarang kainit sa panahon.
Sa eksklusibong pakighinabi sa Bombo Radyo Malaybalay ngadto kang Antonio Pante, ang Vice President sa usa ka irrigators association, iyang gibutyag nga gawas sa hulga sa mga peste sama sa armyworm ug langgam, dako nga hagit kanila ang kakuwang sa tubig sa miaging mga bulan rason nga nakig-koordinar sila sa National Irrigation Administration (NIA) alang sa rotation sa agas sa tubig.
Apan luyo niini, miprotesta usab ang corn farmer nga si Bernardo Nicolas gikan sa Valencia City diin iyang gipiyaitan ang giingong dili patas nga pagdumala sa NIA tungod kay giputol ang irigasyon sa mga gagmay’ng mag-uuma samtang nagpadayon ang suplay ngadto sa mga dagkong plantasyon sa saging. Gawas sa tubig, mipalanog usab og seryosong hangyo si Nicolas nga mabalik ang mga financial assistance sama sa UCT ug uban pang ayuda gikan sa gobyerno aron duna silay magamit nga kapital sa pagpalit og abono ug similya.
Hinuon, parehong gumpExternal nga miangkon ang duha ka mag-uuma nga hinay-hinay nang mibalik sa normal ang suplay sa tubig karong bulana tungod sa nasinating mga pag-ulan sa probinsya.