Pabor ang mayor ning dakbayan sa Malaybalay sa pagpatuman sa long-term development plan nga nagtutok sa pagpangandam alang sa sunod nga henerasyon.
Matud ni Malaybalay City mayor Jay warren Pabillaran, wala pay tukmang target sa maong development plan apan positibo kini sa direksyon isip dugayng panahon nga pagpangandam alang sa umaabot.
Gidugang pa niini nga ang maong plano nagtutok sa pagpangandam alang sa sunod nga henerasyon ug dili lamang sa kasamtangang administrasyon.
Gilauman nga ang long-term nga mga programa makatampo sa padayong pagpalambo sa dakbayan ug sa kaayohan sa umaabot nga henerasyon.
Gipunting usab sa mayor, gikinahanglan ang tukmang preparasyon ug igo nga budget tungod kay dili basta-basta ang mga dagkong programa sa dakbayan.
Gisaysay sa Mayor nga nakadepensa ug nakatipig ang syudad og ₱24 milyon kada hektarya pinaagi sa pag-negotiate sa presyo sa yuta ngadto sa ₱600 lang matag square meter gikan sa orihinal nga assessed value nga ₱3,000 hangtod ₱5,000.