Gipasalig sa Department of Labor and Employment o DOLE nga dili pasagdan ang interes sa mga mamumuo ug employers sa isyu sa ₱85 nga wage hike sa Metro Manila.
Sumala ni Labor Secretary Francis Tolentino, patas nga gikonsiderar sa kagawaran ang katungod sa mga mamumuo ug kahimtang sa mga negosyo.
Samtang, misupak ang Employers Confederation of the Philippines nga himuong basehan sa ubang rehiyon ang ₱85 wage increase sa Metro Manila.
Matud sa grupo, lahi-lahi ang cost of living ug kahimtang sa negosyo sa matag rehiyon.
Gisuportahan usab sa mga labor group ang paghangyo nga tangtangon ang temporary restraining order nga nagpugong sa pagpatuman sa wage hike sa Metro Manila.
Matud ni Federation of Free Workers President Sonny Matula, ilang gisuportahan ang mosyon sa Office of the Solicitor General alang sa pagtangtang sa TRO.