Lalaki, gipasanginlang gisunog ang balay sa kaugalingong inahan sa Iligan Cit, arestado!

Giaresto sa mga kapulisan ang usa ka 33-anyos nga lalaki human kini gipasanginlang nagsunog sa balay sa iyang kaugalingong inahan sa Purok 5, Barangay Upper Luinab, Iligan City kagahapon, pasado alas-7:00 sa buntag.

Base sa inisyal nga imbestigasyon sa Iligan City Police Station 1, sa wala pa ang insidente, nakakita matud ang suspetsado, nga giila lamang sa alyas nga “Jay,” og mga timailhan sa dugo duol sa usa ka plantasyon sa saging.

Matud sa kapulisan, ang maong lalaki adunay giingong kasaysayan sa paggamit og iligal nga droga.

Sa pagkakaron, anaa na sa kustodiya sa Iligan City Police Station 1 ang suspetsado alang sa dugang imbestigasyon ug pag-andam sa mga kasong ipasaka batok kaniya.