Nasapon sa buy-bust operation sa kapulisan ang usa ka 27-anyos nga lalaki ug nakumpiska gikan sa posisyon niini ang gidudahang shabu nga nagkantidad og kapin tunga sa milyon sa Purok 1, Colonia, Valencia City, Bukidnon, pasado alas-12:19 sa kaadlawon ning aldaw’ng Lunes, Hulyo 27, 2026.
Ang dinakpan giila nga si Jaomarie Bandria y Montaño Jr., ulitawo, walay trabaho, ug residente sa Purok 3, Sinangalan, Malaybalay City, Bukidnon.
Base sa report sa kapulisan, narekober gikan sa suspetsado ang gidudahang shabu nga adunay gibana-bana nga gibug-aton nga 80.50 gramos ug adunay Standard Drug Price (SDP) nga ₱547,400.00.
Sa pagkakaron, anaa na sa kustodiya sa Valencia City Police Station ang suspetsado alang sa dugang imbestigasyon ug pag-andam sa angay’ng mga kasong ipasaka batok niini tungod sa paglapas sa Comprehensive Dangerous Drugs Act of 2002.