Gipadangat ngadto sa 22 ka mga Persons Deprived of Liberty (PDLs) sa Bukidnon Provincial Detention and Rehabilitation Center ang usa ka Information and Education Outreach Program sa Public Attorney’s Office (PAO) Malaybalay aron mahatagan kini og igong kahibalo sa ilang katungod.
Gipangulohan kini ni Atty. Voltaire C. Mojica, Atty. Charlon B. Dulay, ug Atty. Vincent Albien V. Arnado, diin gituki sa maong kalihokan ang mga legal nga aspeto sama sa Criminal Procedure, Plea Bargaining, ug mga balaod bahin sa GAD ug VAWC.
Tumong sa maong inisyatibo nga giyahan ang mga piniriso kansang mga kaso na-raffle na sa mga korte ilabi na nga gikatakda na silang moagi og arraignment.
Gipadayag ni Provincial Warden Nelson Rocky A. Balaba mahinungdanong ang maong lakang sa PAO tungod dako kini og ikatabang sa proseso sa rehabilitasyon sa mga piniriso sulod sa pasilidad. Pinaagi niini, gilauman nga mas masabtan sa mga PDL ang ilang mga legal nga responsibilidad samtang nagpadayon ang pagtuki sa hustisya sa ilang tagsa-tagsa ka mga kaso.