Subling nanawagan si Senator Panfilo Lacson nga walaon ang gitawag nga “leadership funds” sa national budget, nga gihulagway niini nga mas delikado pa kaysa sa kanhi nang pork barrel.
Sumala kang Lacson, ang maong pondo mahimong maghatag og higayon sa mga mambabalaod nga makasulod o makasingit og mga proyekto samtang giandam pa lamang ang National Expenditure Program kon NEP, pinaagi sa gitawag nga “allocable funds.”
Dugang pa sa senador, nga mas problema kini tungod kay nahitabo na ang impluwensya sa mga kongresista bisan wala pa pormal nga isumite ang budget sa Kongreso.
Gipasabot ni Lacson nga dili awtomatikong ilegal o sayop ang matag insertion o allocable fund, apan mahimo kining moabli sa posibilidad sa abuso ug korapsyon, ilabina kung mokabat na sa bilyon-bilyong piso ang mga kantidad nga gilaan alang sa mga proyekto.