Gibutyag ni House Prosecution Panel Member Representative Joel Chua nga dili angay palabihon ang isyu sa paggamit sa misleading questions atol sa impeachment trial batok kang Vice President Sara Duterte.
Gipatin-aw ni Chua nga dili gitugotan ang misleading questions sa bisan unsang yugto sa hearing, apan gihatagan niini og benefit of the doubt si Defense Counsel Atty. Kristine Ferrer, nga posible lamang nga nalibog o na-pressure tungod sa tensyon tali nila ni Atty. Lorna Kapunan.
Gipahayag usab ni Chua nga wala siyay nakitang sayop sa social media post ni Private Prosecutor Atty. Armando Birre Ligutan mahitungod sa maong isyu, tungod kay wala kini maghisgot og piho nga ngalan ug naghisgot lamang sa prinsipyo batok sa misleading questions.
Dugang pa ni Chua nga kontento ang prosecution panel sa dagan sa impeachment trial ug sa kalidad sa mga ebidensiyang ilang gipresentar.