‘Ketamine Queen’ gisentensiyahan og 15 ka tuig nga pagkabilanggo

Gisentensiyahan og 15 ka tuig nga pagkabilanggo ang gitawag nga “Ketamine Queen” nga si Jasveen Sangha human napamatud-an nga kini  ang nagbaligya sa ilegal nga droga nga hinungdan sa kamatayon sa aktor nga si Matthew Perry.

Ang 42-anyos nga si Sangha, kinsa suod nga kaila ni Perry, giingong nagpadagan og usa ka “drug-selling emporium” gikan sa iyang panimalay.

Niadtong Oktubre 2023, nakit-an ang aktor nga wala nay kinabuhi sa iyang hot tub sa Los Angeles tungod sa epekto sa ketamine.

Gawas sa pag-apod-apod og droga, nasayran nga si Sangha nalambigit usab sa uban pang kaso sa pagbaligya og ilegal nga substansiya nga miresulta niining maong sentensya.