Katawhan sa Iran, nagpakita og suporta sa ilang militar taliwala sa hulga sa pag-atake sa US

Nagpahigayon og dakong parada ang katawhan sa Iran diha sa dakbayan sa Tehran aron ipakita ang ilang suporta sa ilang gobyerno ug kwerpo sa militar taliwala sa mga hulga gikan sa gawas.

Sa taho sa Bombo Radyo, gipasundayag sa Iranian military ang pipila sa ilang mga hinagiban ug kagamitan sa gubat. Gipahayag usab sa mga lungsuranon nga nisalmot nga andam silang mobabarog ug magpanalipod sa ilang nasud batok sa bisan unsang posibleng pag-atake gikan sa Estados Unidos.

Nahitabo ang maong pagpakita sa kadasig ug kahandaan human gipahibalo ni US President Donald Trump nga sa mga mosunod nga adlaw, magluwat siya og opisyal nga desisyon bahin sa mga sunod nga lakang sa America batok sa maong nasud.