Nagpabiling usa sa mga hagit sa peace and order situation sa syudad sa Malaybalay ang mga kaso sa pagpangawat, sumala sa Malaybalay City Police Station.
Gibutyag ni PCOL. Ariel Filipe Pontillas, Officer-in-Charge sa Malaybalay City Police Station, nga lakip sa ilang padayong gibantayan ang mga krimen batok sa kabtangan, ilabina ang pagpangawat, nga nagkinahanglan gihapon og hugot nga pagmonitor ug operasyon sa kapulisan.
Dugang pa sa opisyal, lakip usab sa ilang giatubang nga problema mao ang ilegal nga droga ug uban pang kalapasan nga mahimong makaapekto sa kalinaw sa komunidad taliwala kini sa pag-ubos sa kaso mga krimen sulod sa dakbayan.
Samtang, gipasalig ni Pontillas nga magpadayon ang ilang adlaw-adlaw nga operasyon ug koordinasyon sa mga opisyal sa barangay aron mapaspas ang pagtubag sa mga insidente ug mapalig-on ang seguridad sa dakbayan.
Gipakusgan ug gisuportahan usab sa kapulisan ang kampanya sa lokal nga pangagamhanan ubos sa pagpangulo ni Mayor Jay Warren Pabillaran, ug konsehal Julius Manghano ang presidente sa Liga ng mga Barangay diin naglakip sa mga inisyatiba batok sa mga naggamit og bora-bora o saba nga tambutso.