Gihingusgan sa Department of Social Welfare and Development (DSWD) Field Office 10 ang pakig-alayon sa mga Local Government Units (LGUs) sa Northern Mindanao aron mapalapdan ang paghatud sa mga serbisyo ubos sa Social Protection Programs.
Sumala ni Roshiel M. Galia, ang Regional Information Officer sa DSWD-10, usa sa mga prayoridad sa ahensya mao ang pagdumala sa mga Centers and Residential Care Facilities.
Gisaysay usab niini nga ang usa sa labing dakong pagsaka sa mga kaso sa Online Sexual Abuse and Exploitation of Children (OSAEC) sa rehiyon.
Sumala sa maong ahensya, sakit palandungon nga mismo ang pipila ka mga ginikanan mao ang nagduso o “nagbugaw” sa ilang kaugalingon nga mga anak aron moapil sa mga “online show” baylo sa kwarta.
Nanawagan sa publiko ang buhatan sa DSWD nga magmabinantayon ug i-report sayon ang bisan unsang kadudahang kalihukan online aron maprotektahan ang dignidad ug kaugmaon sa mga bata gikan niining matang sa pagpangabuso.