Kaso batok kang FPRRD, nagpadayag sa tinuod nga agenda sa ICC — VP Sara 

Gipadayag ni Vice President Sara Duterte nga ang kaso batok sa iyang amahan nga si kanhi Pangulong Rodrigo Duterte nagpakita sa tinuod nga reputasyon, interes ug agenda sa International Criminal Court o ICC.

Matud sa Bise Presidente, ang kaso batok sa kanhing pangulo naghatag sa ubang nasud og hulagway sa matang sa institusyon nga ICC.

Gisubli usab niya ang iyang baruganan nga adunay politikal nga motibo ang maong kaso.

Gikwestiyon usab ni Duterte nganong gipadayon gihapon sa ICC ang kaso batok sa iyang amahan bisan 81 anyos na kini ug adunay nagkadaiyang sakit.

Matud pa niya, mahimong ehemplo ang maong kaso sa paghusga sa ubang nasud sa kredibilidad sa ICC.