Economic advocate, gibatikos ang padayon nga pagpangutang sa nasud!

Gibabagan o gisupak sa usa ka economic advocate ang pagpangutang sa nasud.

Matud pa ni Ray Talimio, Jr., kanhi opisyal sa Oro Chamber ug Economic Development Committee sa RDC-X, sa pakighinabi sa Bombo Radyo Malaybalay nga ang pagpangutang dili intrinsically daotan kung kini ginagamit sa sakto ug produktibong paagi, susama sa usa ka negosyo nga nagpautang aron mag-expand o magpadako sa operasyon. 

Apan dili kini angay magpadayon sa mas taas pa nga kantidada.

Gihimug-atan ni Talimio nga taliwala sa pagkawala sa global pandemic o krisis sa panglawas nga nanginahanglan og dinalian ug dako nga pondo, paspas gihapon ang pagtaas sa nasudnong utang ubos sa Marcos Administration.

Sumala niini, miabot na sa ₱6 Trillion ang natigom nga pagtaas (increase) sa maong utang sa nasud ug matud pa, kini sukad sa paglingkod ni Presidente Marcos niadtong 2022.