Tingkagol sa bilangguan ang usa ka giilang drug personality nga nailhan sa alyas “Kiking” human kini masapon sa akto atol sa gikasang buy-bust operation sa Purok 8, Barangay Kibatang, Don Carlos, Bukidnon kagahapong adlaw, Mayo 21, 2026.
Nakuha gikan sa posisyon sa suspetsado ang upat ka sachet sa gidudahang shabu nga mitimbang og kapin sa 4.10 gramo, diin nagkantidad kini og ₱27,880 base sa standard drug price.
Gawas sa ilegal nga droga, narekober usab sa mga otoridad ang gigamit nga marked money, usa ka metal canister nga gihimong sudlanan sa droga, ug usa ka cellphone.
Sa pagkakaron, nag-atubang na sa kaukulang disposisyon si alyas “Kiking” sa Don Carlos MPS samtang giandam na ang ipasakang kaso batok kaniya tungod sa paglapas sa Republic Act No. 9165 o ang Comprehensive Dangerous Drugs Act of 2002.