Gidayeg ni Pope Leo XIV ang mga batan-on nga nitambong sa iyang gipahigayong Misa sa Paris, Pransya, diin miabot sa kapin 700,000 ka tawo ang nagtapok sa open-air Mass diha sa Place de la Concorde subay sa iyang upat ka adlaw nga pagbisita sa maong nasud.
Sa wala pa nagsugod ang Misa, gipahigayon ang usa ka motorcade gamit ang popemobile diin napuno sa dako nga panon sa katawhan ang kadalanan sa Champs-Élysées Avenue. Nitambong usab sa maong Misa ang pipila ka mga lider ug opisyal sa gobyerno, human una nga nakigtagbo ang Santo Papa kang French President Emmanuel Macron.
Diha sa iyang homily, gidasig sa Santo Papa ang mga batan-on nga padayong huptan ug palambuon ang ilang pagtuo, ug itugot nga mag-awas kini aron makahatag usab og paglaum ug inspirasyon sa uban.