Gipamatud-an mismo ni BARMM Election Director Ray Sumalipao nga kapin sa 30 ka public school teachers sa Bangsamoro Autonomous Region in Muslim Mindanao (BARMM) ang boluntaryong miatras sa ilang tahas isip mga miyembro sa Election Registration Board alang sa umaabot nga 2025 midterm elections.
Sumala ni Sumalipao, personal nga rason matud pa ang ilang pasangil, lakip na ang koneksyon ug relasyon sa pipila sa mga kandidato ang usa ka labing naghatag og lesinsya aron dili mulungtad ang mando nga ipadala sa BARMM aron muserbisyo.
Gumikan niini, bisan pa man sa maong kakulian, andam na ang Commission on Elections (COMELEC) sa pagtabang sa mga opisyal sa Philippine National Police (PNP) aron mopuli sa bakanteng mga posisyon ug masiguro nga magpadayon ang proseso sa eleksyon nga limpyo ug patas.
Samtang sa pikas bahin sa Lanao del Sur, gibutyag usab ni Director Sumalipao nga 18 pa ka mga magtutudlo ang misunod og withdraw isip mga Electoral Board Members sa umaabot nga piniliay ug dili makaserbisyo sa Mayo.
Dugang pa, andam gihapon ang COMELEC ug uban pang ahensya sa gobyerno sa pagtabang aron masiguro nga dili malangay bisan paman niatras ang ubang gitakdang mangulo sa eleksiyon ning tuiga.