Misaka na sa kapin 160 katawo ang napatay sa Nepal og gatusang mga turista ang nawala human ang dakong flash flood og mudslide.
Ang mga na-missing nga turista gilangkuban sa kapin 100 gikan sa India, 54 gikan sa US og 33 sa United Kingdom samtang kapin 100 usab ang taga Nepal kini base sa Tourist Board sa maong nasud natigayun ang insedente kagahapong adlawa, Agosto 26.
Sumala sa Ministry of Tourism sa Nepal, mokabat sa 403 ka turista, diin 341 niini mga langyaw gikan sa nagkadaiyang nasod, ug 28 ka pulis ang padayon nga wala pa makit-i.
Samtang, gipahibalo sa mga awtoridad sa China nga tulo ang namatay ug 265 ang gikataho nga nawala sa ilang bahin sa utlanan sa Gyirong County sa Tibet human maputol ang komunikasyon, kuryente ug mga dalan tungod sa grabeng mudslide.
Apektado usab pag-ayo ang suplay sa enerhiya sa Nepal human nadaot sa baha ang mokabat sa 430 megawatts nga kapasidad sa kuryente gikan sa mga hydropower ug solar facilities.
Tungod sa dakong kadaot ug pagsaka sa tubig, nanawagan si Nepal Prime Minister Balendra Shah sa panaghiusa.
Nangayo usab siya og tabang gikan sa mga silingang nasod nga India ug China alang sa operasyon sa pagbalhin sa mga residente ug pagpangita sa mga biktima.
Gituohang kusog nga pag-ulan ug pagdahili sa yuta ang hinungdan sa kalit nga pagbaha nga miigo sa mga kabalayan ug mga lugar nga duol sa border crossing rason nga nahitabo ang trahedya.
Sa sinugdan, gidudahan nga usa ka linog ang posibleng nakapahinabo sa pagdahili sa yuta.
Apan sumala sa US Geological Survey, ang natala nga seismic energy ang hinungdan mismo sa pagdahili sa yuta ug dili tungod sa linog.
Sa pagkakaron, nagpadayon ang Nepal Army sa halapad nga search and rescue operations kauban ang mga emergency response team, gamit ang mga helicopter ug espesyal nga kagamitan.