Posibleng mamahimong unang testigo si kanhing Department of Education Undersecretary Michael Wesley Poa sa impeachment trial ni Vice President Sara Duterte sa Septiyembre 1 kung dili makatambong ang duha ka saksi gikan sa militar.
Gikatakdang motestigo sa maong adlaw sila Colonel Manaro Boransing II ug Colonel Magtanggol Panopio, samtang si Poa ug Philippine Statistics Authority Assistant National Statistician Marizza Grande ang giandam para sa Septiyembre 2.
Giklaro ni Poa nga andam kininh motubag sa mga pangutana base sa iyang personal nga kahibalo, ilabina sa iyang panahon sa Department of Education.
Apan dili kini mahimong motugyan sa mga impormasyon nga iyang nahibaw-an human siya nahimong abogado ni Vice President Sara tungod sa gitawag nga attorney-client privilege.
Samtang, giatras sa prosecution ang pagpresentar sa retiradong si Major General Adonis Bajao human wala mahatod sa Armed Forces of the Philippines ang subpoena ngadto kaniya.