Lisod matud pa nga mahatagan ug interim release ang kanhi Presidente Rodrigo Duterte tungod kay anaa pa sa katungdanan ang mga opisyal nga giingong responsable sa pagpadangat niini sa International Criminal Court o ICC.
Sa exclusibong pmahayag sa Bombo Radyo Malaybalay kay Atty. Eddie Cuaresma nga hugot gihapon ang panawagan sa mga pamilya sa mga biktima sa extrajudicial killings nga makuha ang hustisya.
Matud pa ni Atty. Cuaresma, daghan ang mga kaso nga gipasaka batok sa kanhing pangulo ug dako kini nga isyu. Gihisgutan usab nga sa dihang anaa pa sa katungdanan si Duterte, miangkon kini sa iyang papel sa kampanya batok kriminalidad ilabina sa war on drugs ug gihagit pa gani ang ICC nga mu-imbestiga.
Sa laing bahin, giklaro usab ni Atty. Cuaresma nga fake news ang mikatap sa social media nga giingon nahatagan na ug interim release si Duterte. Iyang gi-awhag ang publiko nga dili dayon motuo sa mga balita sa social media, ug mas maayo nga i-validate kini pinaagi sa mga kasaligan nga news sources