Gipresentar ni private prosecutor Atty. Erwin Matib si Gerardo del Rosario, direktor sa Company Registration and Monitoring Department sa Securities and Exchange Commission (SEC), isip saksi sa pagpadayon sa impeachment trial ni Vice President Sara Duterte.
Misupak ang defense counsel nga si Atty. Justin Gular sa pag-ila ug authentication sa corporate documents sa Pikimong Pikimong Philippines ug JTC Group of Companies nga gipresentar sa Prosecution.
Apan taliwala niini mi-uyon ra usab ang Defense sa pag-stipulate sa mga dokumento sa ubang korporasyon aron mapadali ang proceedings.
Samtang misupak si Senator-judge Alan Peter Cayetano sa sayop nga label sa dokumentong gipresentar sa prosecution nga matud pa niini mahimong malibog ang publiko kung dili motakdo ang titulo sa dokumento sa aktuwal nga sulod niini.
Sa pagpadayon sa impeachment trial, gipresentar sa testigo nga si Gerardo del Rosario ang corporate records sa Metro City Chow Foods Corporation nga nagpakitang lakip si Vice President Sara Duterte sa mga incorporator ug nahimong director sa pagkatukod sa kompanya.